Header Banner
గ్రీన్ కార్డ్ హోల్డర్స్ కు అమెరికా ఆదేశాలు! అవి చూపిస్తేనే విమానంలోకి ఎంట్రీ!
Sun May 04, 2025 09:14 U S A
అమెరికా సంయుక్త రాష్ట్రాల్లో దేశీయ విమానాల్లో ప్రయాణించే వారికి కీలక అప్‌డేట్ ఇది. ఈ నెల 7వ తేదీ నుంచి ప్రయాణికులు తప్పనిసరిగా 'రియల్ ఐడీ'ని కలిగి ఉండాలని యూఎస్ డిపార్ట్‌మెంట్ ఆఫ్ హోమ్‌ల్యాండ్ సెక్యూరిటీ (డీహెచ్‌ఎస్) స్పష్టం చేసింది. ఈ కొత్త నిబంధన అమల్లోకి వచ్చిన తర్వాత, దేశీయ విమానాశ్రయాల్లో భద్రతా తనిఖీల వద్ద రియల్ ఐడీని చూపించాల్సి ఉంటుంది.
రియల్ ఐడీ అంటే ఏమిటి?
ప్రభుత్వాలు జారీ చేసే డ్రైవర్ లైసెన్స్ లేదా స్టేట్ ఐడీ కార్డుపై ప్రత్యేకంగా స్టార్ గుర్తు, ఫ్లాగ్ గుర్తు లేదా ‘ఎన్‌హాన్స్‌డ్’ అని మార్క్ చేసి ఉంటే దానిని 'రియల్ ఐడీ'గా పరిగణిస్తారు. డీహెచ్‌ఎస్ ప్రకారం ఈ రియల్ ఐడీ కేవలం విమాన ప్రయాణాలకే కాకుండా కొన్ని ఎంపిక చేసిన ఫెడరల్ భవనాల్లోకి ప్రవేశించడానికి కూడా ఇది అవసరం అవుతుంది.
నిబంధనలు పాటించకుంటే?
ఒకవేళ ప్రయాణికులు సమర్పించే స్టేట్ ఐడీ లేదా డ్రైవర్ లైసెన్స్ రియల్ ఐడీ ప్రమాణాలకు అనుగుణంగా లేకపోతే, చెల్లుబాటు అయ్యే పాస్‌పోర్ట్ వంటి ఇతర ఆమోదిత గుర్తింపు పత్రాన్ని చూపించాల్సి ఉంటుందని ‘న్యూయార్క్ పోస్ట్’ నివేదించింది. రియల్ ఐడీ లేదా దానికి ప్రత్యామ్నాయంగా టీఎస్ఏ (ట్రాన్స్‌పోర్టేషన్ సెక్యూరిటీ అడ్మినిస్ట్రేషన్) ఆమోదించిన గుర్తింపు కార్డు లేని ప్రయాణికులను సెక్యూరిటీ చెక్‌పాయింట్ వద్దే నిలిపివేసే అవకాశం ఉందని, అదనపు స్క్రీనింగ్‌కు కానీ, లేదా ప్రయాణానికి అనుమతి నిరాకరించవచ్చని డీహెచ్‌ఎస్ తన వెబ్‌సైట్‌లో పేర్కొంది.
ఇది కూడా చదవండి: అమెరికాలో ఇద్దరు ఇండియన్ స్టూడెంట్స్ అరెస్ట్! వీసా ముసుగులో మోసాలు..!
ప్రత్యామ్నాయ గుర్తింపు కార్డులు
18 ఏళ్లు పైబడిన ప్రయాణికులు రియల్ ఐడీని కలిగి ఉండాలి. ఒకవేళ అది లేకపోతే, టీఎస్ఏ ఆమోదించిన కింది గుర్తింపు కార్డులలో ఏదైనా ఒకటి చెల్లుబాటు అవుతుంది
* యూఎస్ పాస్‌పోర్ట్
* రాష్ట్ర ప్రభుత్వం జారీ చేసిన ఎన్‌హాన్స్‌డ్ డ్రైవర్ లైసెన్స్
* డీహెచ్‌ఎస్ ట్రస్టెడ్ ట్రావెలర్ కార్డులు (గ్లోబల్ ఎంట్రీ, నెక్సస్, సెంట్రీ, ఫాస్ట్)
* యూఎస్ డిపార్ట్‌మెంట్ ఆఫ్ డిఫెన్స్ ఐడీ (డిపెండెంట్ ఐడీలతో సహా)
* పర్మనెంట్ రెసిడెంట్ కార్డ్ (గ్రీన్ కార్డ్)
* బార్డర్ క్రాసింగ్ కార్డ్
* విదేశీ ప్రభుత్వం జారీచేసిన పాస్‌పోర్ట్
* కెనడియన్ ప్రొవిన్షియల్ డ్రైవర్ లైసెన్స్ లేదా ఇండియన్ అండ్ నార్తర్న్ అఫైర్స్ కెనడా కార్డ్
* ట్రాన్స్‌పోర్టేషన్ వర్కర్ ఐడెంటిఫికేషన్ క్రెడెన్షియల్ (టీడబ్ల్యూఐసీ)
* యూఎస్‌సీఐఎస్ ఎంప్లాయ్‌మెంట్ ఆథరైజేషన్ కార్డ్ (ఫారం I-766)
* వెటరన్ హెల్త్ ఐడెంటిఫికేషన్ కార్డ్ (వీహెచ్ఐసీ)
రియల్ ఐడీ కోసం దరఖాస్తు ఎలా?
రియల్ ఐడీ కోసం దరఖాస్తు చేసుకోవాలనుకునే వారు తమ రాష్ట్రంలోని డ్రైవర్ లైసెన్సింగ్ ఏజెన్సీ వెబ్‌సైట్‌ను సందర్శించి, అవసరమైన డాక్యుమెంట్ల వివరాలను తెలుసుకోవాలి. సాధారణంగా కింది పత్రాలను సమర్పించాల్సి ఉంటుంది.
గుర్తింపు రుజువు: యూఎస్ బర్త్ సర్టిఫికెట్, చెల్లుబాటు అయ్యే యూఎస్ పాస్‌పోర్ట్ లేదా పర్మనెంట్ రెసిడెంట్ కార్డ్ (యూఎస్ పౌరులు కానివారికి).
సోషల్ సెక్యూరిటీ నంబర్ రుజువు: సోషల్ సెక్యూరిటీ కార్డ్, డబ్ల్యూ-2 ఫారం లేదా పూర్తి సోషల్ సెక్యూరిటీ నంబర్‌తో కూడిన ఇటీవలి పే స్లిప్.
నివాస రుజువు: లీజు అగ్రిమెంట్, యుటిలిటీ బిల్లు, మార్ట్‌గేజ్ స్టేట్‌మెంట్, బ్యాంక్ స్టేట్‌మెంట్ వంటివి.
ప్రతి రాష్ట్రానికి నిర్దిష్ట అవసరాలు కొద్దిగా మారవచ్చు కాబట్టి, అనవసరమైన జాప్యాన్ని నివారించడానికి స్థానిక కార్యాలయానికి వెళ్లే ముందు ఆన్‌లైన్‌లో వివరాలను ధ్రువీకరించుకోవడం మంచిది. నిర్ణీత గడువు మే 7, 2025 తర్వాత చెల్లుబాటు అయ్యే రియల్ ఐడీ లేదా ఇతర ఆమోదిత గుర్తింపు కార్డు లేని ప్రయాణికులను అమెరికాలో దేశీయ విమానాల్లో ప్రయాణించకుండా నిరోధించే అవకాశం ఉంది. కావున, ప్రయాణికులు వీలైనంత త్వరగా రియల్ ఐడీని పొందాలని అధికారులు సూచిస్తున్నారు.
ఇది కూడా చదవండి: ఏపీలో మరో నేషనల్ హైవే! రూ.647 కోట్లతో.. ఆ రూట్లో నాలుగ లైన్లుగా!
అన్ని రకాల వార్తల కోసం ఇక్కడ క్లిక్ చేయండి
మీకు ఈ న్యూస్ కూడా నచ్చవచ్చు:
సంచలన నిర్ణయం తీసుకున్న OYO హోటల్స్.. మరో కొత్త కాన్సెప్ట్‌తో - ఇక వారికి పండగే..
నిరుద్యోగులకు శుభవార్త.. నెలకు రూ.60 వేల జీతం.. దరఖాస్తుకు మే 13 చివరి తేదీ!
ఇక బతకలేను.. నా చావుకు కారణం వాళ్లే! ఢీ ఫేమ్ జాను కన్నీటి వీడియోతో కలకలం!
కూటమి ప్రభుత్వ రాకతో అమరావతి బంగారు బాట! ఇకపై ప్రతి ఆంధ్రుడు..
షాకింగ్ న్యూస్.. తెలుగు యూట్యూబర్ అనుమానాస్పద మృతి.. అతనే కారణమా?
గుడ్ న్యూస్! ఏపీలోనూ మెట్రోకు గ్రీన్ సిగ్నల్! ఎక్కడంటే?
గన్నవరం ఎయిర్‌పోర్టులో మరోసారి కలకలం.. ఈసారి ఏం జరిగిందంటే!
ప్రయాణించేవారికి శుభవార్త.. అమరావతికి సూపర్ ఫాస్ట్ కనెక్టివిటీ.. సిద్ధమైన కృష్ణా నదిపై వారధి!
అకౌంట్లలో డబ్బు జమ.. 1 లక్ష రుణమాఫీ. ప్రభుత్వం ఆదేశాలు.! గైడ్‌లైన్స్ విడుదల!
రూ.500 నోట్లకు ఏమైంది.. ఇక ఎటిఎంలలో 100, 200 నోట్లు.. RBI కీలక నిర్ణయం..!
మాజీ మంత్రి బిగ్ షాక్.. విచారణ ప్రారంభం! వెలుగులోకి కీలక ఆధారాలు..
ఏపీ యువతకు గుడ్ న్యూస్.. యునిసెఫ్‌తో ప్రభుత్వం ఒప్పందం.. 2 లక్షల మందికి లబ్ధి..
అద్భుతమైన స్కీం.. మీ భార్య మిమల్ని లక్షాధికారిని చేయొచ్చు.. ఈ చిన్న పని తో..
ఆంధ్ర ప్రవాసి గ్రూప్ లో జాయిన్ అవ్వండి:
#Andhrapravasi #GreenCardHolder #USImmigration #TravelToUSA #AirportRules #USCustoms #GreenCardTravel
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.